Алтынньы 17 күнүгэр СӨ “Өлүөнэ очуостара” айылҕа паарката” судаарыстыбаннай бюджетнэй тэрилтэ дириэктэринэн Аркадий Семенов ананна.
edersaas.ru
Бу иннинэ кини айылҕа пааркатын дириэктэрин солбуйааччытынан үлэлээбитэ. Хаҥалас улууһун Соҕуруу-Малдьаҕардааҕы биир мандааттаах быыбардыыр уокурук V ыҥырыылаах оройуоннааҕы сэбиэтин дьокутаата.
Аркадий Семенов 1975 сыллаахха тохсунньу 8 күнүгэр Орджоникидзевскай оройуонун Покровскай бөһүөлэгэр төрөөбүтэ. 1996 сыллаахха Тыа хаһаайыстыбатын институтун экэнэмиис идэтигэр үөрэнэн баран, айымньылаах үлэтэ 2000 сыллар саҥаларыттан биллэн барбыта. Ол курдук, эдэр киһи Покровскайдааҕы алмааһы кырыылыыр собуокка исписэлиистэн саҕалаан, салайааччыга тиийэ үүммүтэ. 2009 сыллаахха Хаҥалас улууһун тырааныспарга тэрилтэтин салайааччытынан анаммыта. 2016 сыл от ыйын саҥатыттан Аркадий Семенов СӨ “Өлүөнэ очуостара” айылҕа паарката” судаарыстыбаннай бюджетнэй тэрилтэ дириэктэрин солбуйааччытынан анаммыта. Бу кэм устата кини ылсыбыт дьыалатын тиһэҕэр тиэрдэр, уустук боппуруостарга, түгэннэргэ олохтоох быһаарыыны ылынар салайааччы быһыытынан көрдөрөн, бу күннэргэ өрөспүүбүлүкэ киэн туттуутун – Өлүөнэ пааркатын дириэктэринэн ананна.
Елена ПОТОЦКАЯ, «Саха сирэ» хаһыат, edersaas.ru
P.S. Аркадий Семенов бу күннэргэ дириэктэр быһыытынан “Эдэр саас” сайтка бастакы эксклюзивнай интервьютун биэриэҕэ.