«Өлүөнэ очуостара» Айылҕа паарката дьаҥ кэмигэр туристары киллэрбэт

«Өлүөнэ очуостара» национальнай паарка дириэксийэтэ иһитиннэрбитинэн, бүгүҥҥү күҥҥэ туризм бу бөдөҥ эбийиэгэр туристар сылдьаллара бобуулаах.

edersaas.ru

Сыстыганнаах дьаҥынан сибээстээн салалта дьаһалынан Лабыйа ( Өлүөнэ очуостара), «Уус Буотама» баазата, Буотама үрэх, тукулааннар, «Дириҥ үрэх» курдук туристическай эбийиэктэр сабыллан тураллар.

Ураты харыстанар сиргэ-уокка сылдьыы эрэсиимин кэспит дьон «административнай быраабы кэһии туһунан» РФ Кодексын 8.39  ыстатыйатыгар олоҕуран административнай буруйдааһыҥҥа түбэһиэхтэрэ. Судаарыстыбаннай иниспиэктэрдэр паарка сиригэр-уотугар күн аайы былааннаах бэрэбиэркэни ыыталлар.

Елена ПОТОЦКАЯ «Саха сирэ», edersaas.ru

Хаартыска — СИА.