ЫБММ Саха сиринээҕи управлениетын чахчыларынан, ыам ыйын 12 күнүн сарсыарда 9 чаастааҕы туругунан Өлүөнэ мууһун алын кырыыта Хаҥалас Сиинэтигэр тиийдэ. Уу таһыма 115 см (кутталлаах таһым 814 см), муус хойуутук устар.
edersaas.ru
Көмүөл үөһээ кырыыта Өлүөхүмэ куорат таһынан баар. Уу таһыма 613 см (кутталлаах таһым 1060 см).
Суукка иһигэр муус 170 км устубут.
Амма көмүөлүн алын кырыыта Чурапчы Мырылатыгар тиийдэ. Уу таһыма 1463 см. Бу учаастагынан кутталлаах таһым 1510 см.
Оттон үөһээ кырыыта Амма Абаҕатыгар баар. Уу кутталлаах таһымы ааһан, 1090 см тэҥнэстэ. Муус хойуутук устар. Суукка иһигэр муус 42 км устубут. Аммаҕа 300 олорор дьиэ тиэргэнин уу ылла. Манна уопсайа 839 киһи олорор.
Бүлүү мууһун алын кырыыта Үөһээ Бүлүүгэ тиийдэ. Уу таһыма 686 см (кутталлаах таһым 1176 см).
Бэй.инф., edersaas.ru