Өлүөнэ мууһа Эдьигээн уонна Булуҥ оройуоннарынан устар. Көмүөл аллараа кырыыта Дьардьаан, оттон үөһээ кырыыта Эдьигээн таһынан устар. Эдьигээн таһынан уу таһыма 854 см (кутталлаах таһым 1430 см).
Муус 398 км сиринэн тайаан устар. Бу күннэргэ көмүөл Булуҥ оройуонун сиринэн устуоҕа.
Өлөөн өрүһүн мууһа Булуҥ оройуонунан устар. Чугастааҕы сууккаҕа Таймылыырга тиийэрэ күүтүллэр.
Оттон Халыма өрүс Орто Халыма улууһунан устар. Аллараа кырыыта Орто Халыма уонна Аллараа Халыма кыраныыссатынан баар. Орто Халыма куорат таһынан уу таһыма 907 см (кутталлаах таһым 1010 см).
Индигиир өрүс Абыйынан устар. Муус аллараа кырыыта Белай Гораттан 50 км сиргэ тиийдэ. Үөһээ кырыыта Кэбэргэнэнэн устар. Муус 265 км сиринэн тайаан устар.
Дьааҥы мууһа Усуйаананан устар диэн ЫБММ Саха сиринээҕи салаатын пресс-сулууспата иһитиннэрдэ.
edersaas.ru