Өлүөнэ өрүс мууһа Эдьигээн уонна Булуҥ оройуоннарын устар. Көмүөл аллараа кырыыта Дьардьаан, оттон үөһээ кырыыта Эдьигээн таһынан устар. Эдьигээн таһынан уу таһыма — 1334 см (кутталлаах таһым 1430 см).
Манна муус 318 км сиринэн тайаан устар. Ыам ыйын 28-29 күннэригэр көмүөл Булуҥ оройуонун Күһүрүнэн устара күүтүллэр.
Өлөөн өрүһүн мууһа Булуҥ оройуонунан устар. Көмүөл аллараа кырыыта Түмэт аныннан 107 км сиринэн устар. Уу таһыма — 1737 см. (кутталлаах таһым — 2600 см.) Муус 107 км сиринэн тайаан устар. Чугастааҕы икки сууккаҕа Таймылыырга тиийэрэ күүтүллэр.
Оттон Халыма өрүс Орто Халыма уонна Аллараа Халыма улуустарынан устар. Уу таһыма — 767 см (кутталлаах таһым 1010 см).
Индигиир өрүс Абыйынан устар. Муус аллараа кырыыта Белай Гораттан 100 км сиргэ тиийдэ.
«Суукка иһигэр уу кутталлаах таһымыгар тиийиитэ бэлиэтэммэтэ, бу күннэргэ халаан уута кэлэрэ күүтүллүбэт», — диэн СӨ ЫБММ сүрүн управлениетын начаалынньыга Павел Гарин иһитиннэрэр диэн биэдэмистибэ пресс-сулууспата суруйар.