Уу ресурсаларын федеральнай агентствотын Өлүөнэ сүнньүнээҕи ууга управлениета иһитиннэрбитинэн, билигин өрөспүүбүлүкэҕэ харыы тахсыан сөптөөх сирдэригэр мууһу кэбирэтэр үлэлэр ыытыллаллар.
Ол курдук, «Ленарегионводхоз» ФГБВУ филиала «Центррегионводхоз» Өлүөнэ, Халыма өрүстэргэ харыы тахсыан сөптөөх 46 учаастагынан мууһу кэбирэтии үлэлэрин ыытар. Ол иһигэр 39 учаастакка 486 га сири хараардаллар уонна 7 учаастакка 41 км мууһу эрбэтэллэр.
Маны таһынан Экология, айылҕаны туһаныы уонна ойуур хаһаайыстыбатын министиэристибэтэ Алдан, Амма, Ньүүйэ, Токко өрүстэригэр мууһу кэбирэтии үлэлэрин ыытар.
Дьокуускай куорат ыксаллаах быһыы-майгы управлениетын салайааччыта Николай Егоров иһитиннэрбитинэн, Өлүөнэ мууһа Дьокуускай аннынан ыам ыйын 14-16 күннэригэр хамсыыра күүтүллэр. Бу урукку сыллардааҕар үс-түөрт хонугунан эрдэ.
edersaas.ru
+1
+1
+1
+1
+1
+1
+1