Айылҕа харыстабыла Суолталаах

Өлүөнэ мууһа Дьокуускай куоратынан уонна Нам улууһунан устар

Өлүөнэ мууһун алын кырыыта Нам оройуонун сиринэн ааһар. Дьокуускай куорат аннынан уу таһыма 723 см (кутталлаах таһым  827 см. Даамбаны учуоттаатахха 990 см)

Көмүөл үөһээ кырыыта Табаҕа бөһүөлэгин таһынан баар. Уу таһыма  931 см. Муус сэдэхтик устар. Көмүөл  70 км сири тайаан устар. Суукка устата  2 км эрэ уһунна.
Кэбээйи улууһугар Сангаар бөһүөлэгин таһынан уу таһыма  520 см.

Нам улууһун Үөдэйин таһынан уу таһыма  696 см (кутталлаах таһым 800 см), муус турар.
Граф Биэрэгин таһынан уу таһыма  987 см (кутталлаах таһым 950 см).

Бүгүҥҥү туругунан Өлүөнэҕэ муус харыыта үөскээн, уопсайа  105 тиэргэн, ол иһигэр  64  олорор дьиэ ууга барда. Манна уопсайа  317 киһи, ол иһигэр  77 оҕо олорор.

Суукка устата Өлүөнэҕэ Нам улууһунан мууһу биэстэ дэлби тэптэрдилэр. Ол түмүгэр уу үрдээһинэ тохтоото. Өрүс хаҥас өттүнэн харыы турар диэн ЫБММ Саха сиринээҕи салаатын пресс-сулууспата иһитиннэрдэ.

 

edersaas.ru

 

0
0
Telegram @edersaas20