Өлүөнэ муостатын тутууга өссө биир бөдөҥ хампаанньа кыттыһыаҕа

 Өлүөнэ өрүс муостатын тутар “ВИС” бөлөх уонна “Ростех”корпорация өссө биир бөдөҥ хампаанньаны бырайыакка үлэлэһэргэ ыҥырдылар.

edersaas.ru

Бу сонуну Ил Дархан Айсен Николаев «Саха» НКИХ ханаалыгар интервьюга иһитиннэрдэ.

— Бүгүҥҥү күҥҥэ үлэ анал кыраапык быһыытынан ыытыллар. Бастакы түһүмэх — тиксэр сири бырайыактыыр-сметалыыр докумуон судаарыстыбаннай эспэртиисэҕэ киирдэ. Өлүөнэ муостатын тутуу бырайыага түмүктэнэн, кэлэр сыл бастакы аҥаарыгар судаарыстыбаннай эспэртиисэҕэ ыытыллыаҕа. Бырайыак олус уустук. Аан дойдуга ирбэт тоҥ усулуобуйатыгар бөдөҥ муоста тутулла илик. Онон тиэхиньиичэскэй ылыллыбыт быһаарыылар — уратылар. Өлүөнэ өрүс муостата Владивостокка баар «Нуучча (Русскай)» арыы муостатын курдук буолуоҕа», — диэн бэлиэтээтэ Айсен Николаев.

Елена ПОТОЦКАЯ, «Саха сирэ» хаһыат, edersaas.ru