Өлүөнэ муостатын тутууга оробуочай бөлөх уочараттаах мунньаҕа буолла

Ааптар: 
Бөлөххө киир:

CӨ Бырабыыталыстыбатын бэрэссэдээтэлин солбуйааччытын э.т.  Дмитрий Бердников Өлүөнэ муостатын тутуу боппуруостарыгар  оробуочай бөлөх уочараттаах  мунньаҕын ыытта.

edersaas.ru

Дмитрий Бердников  ааспыт нэдиэлэҕэ Өлүөнэ муостатын тутуу бырайыагар кэккэ хамсааһын тахсыбытын бэлиэтээтэ.

Бастатан туран, муостаны тутуу докумуона оҥоһуллан бүтэн, Кылаабынай судаарыстыбаннай эспэртиисэ көрүүтүгэр киирдэ. Сбербааны кытта муостаны тутууга үбүлээһиҥҥэ партнер быһыытынан үлэлииргэ сөбүлэҥҥэ илии баттанна. Табаҕа тумулугар турар «Хотугу Мозаика» туристскай-рекреационнай кластеры судаарыстыбаннай балаансаҕа киллэрэр боппуруос быһаарылынна, — диэн Дмитрий Бердников туох үлэ барбытын иһитиннэрдэ.

Мунньахха бу күннэргэ ыытыллыбыт үлэни СӨ Тырааныспар уонна суол хаһаайыстыбатын миниистирэ Владимир Сивцев, баайы-дуолу бас билэр уонна сир сыһыаннаһыытын министиэристибэтин, «ВИС» бөлөх, судаарыстыбаннай сакаасчыт сулууспатын уонна Мэҥэ Хаҥалас улууһун эппиэттээх үлэһиттэрэ сырдаттылар.

Кылаабынай судаарыстыбаннай эспэртиисэ түмүгэ кэллэҕинэ уонна үбүлээһин саҕаланнаҕына,  тутуу матырыйаалларын таҥар үлэ барыаҕа. Онон сибээстээн  Дмитрий Бердников сир учаастактарын тыырыы боппуруоһа бу күннэргэ быһаарыллыан наадатын ыйда. Кини ону тэҥэ бырайыактыыр институт бэрэстэбиитэллэригэр Өлүөнэ өрүс сүнньүнэн муостаҕа сыһыаннаах научнай көрүү туһунан матырыйааллары уонна Москватааҕы автомобильнай суол судаарыстыбаннай техническэй университетын консультациятын тиксэрэллэригэр сорудахтаата.

Елена ПОТОЦКАЯ, «Саха сирэ» хаһыат, edersaas.ru

Хаартыска: СӨ Ил Дархан уонна Бырабыыталыстыба пресс-сулууспатын саайтыттан

+1
0
+1
0
+1
0
+1
0
+1
0
+1
0
+1
0