Өлүөнэ муостатын тутуу: Кырдьаҕас Табаҕа сэлиэнньэтигэр уот ситимин көһөрүүгэ үлэ ыытыллар

Ааптар: 
Бөлөххө киир:

Ахсынньы 16 күнүгэр Саха сирин Бырабыыталыстыбатын Бэрэссэдээтэлин солбуйааччы Дмитрий Бердников Саха Өрөспүүбүлүкэтин Ил Дарханын Айсен Николаев сорудаҕынан   Кырдьаҕас Табаҕа с. 1 №-дээх тутуу былаһааккатыгар уочараттаах көһө сылдьар мунньаҕы ыытта.

Бу сыл сүрүн бырайыактарыттан биирдэстэринэн Өлүөнэ муостатын бырайыагын олоххо киллэриини саҕалааһын буолла. Бу бүттүүн Арассыыйа дьоһун суолталаах геостратегическай тырааныспар бырайыага. Бүгүн манна муостанан туорааһыны тутуу зонатыгар түбэһэр инженернэй коммуникациялары көһөрүүгэ үлэ ыытыллар. Кэлэр сылтан Главгосэспэртиисэ үтүө түмүгү биэрдэҕинэ, Өлүөнэни туоратар муостаны тутуу бырайыагын сүрүн түһүмэҕэ саҕаланыаҕа”, — диэн Дмитрий Бердников бэлиэтээтэ.

Бастакы вице-премьер Арассыыйа Федерациятын Бэрэсидьиэнин Владимир Владимирович Путин 2030 сылга диэри “Өлүөнэ”, “Бүлүү”, “Халыма” федеральнай суолларынан сылы эргиччи быыстала суох сырыыны хааччыйар туһунан сорудаҕа кини Саха сирин уонна Арассыыйа илин өттүн бүттүүнүн тырааныспарынан сибээстээх буолуутугар болҕомтотун өссө төгүл туоһулуур.

Дмитрий Бердников суруналыыстар ыйытыыларыгар хоруйдууругар билиҥҥи туругунан Кырдьаҕас Табаҕа оройуонугар ВЛ-10 кВ уотунан хааччыйыы үс линиятын көһөрүү толору ыытыллыбытын иһитиннэрдэ. “Бүгүн 110 кВ уотунан хаччыйыы ситимигэр үлэ уонна сибээс ситимин көһөрүүгэ үлэ ыытыллар. Остуолбалар тирэхтэрин көтүрдүлэр. Гааһынан хааччыйыы ситимин таһаарыыга дуогабардаах үлэ ыытыллар”, — диэтэ кини. Тутуу былаһааккатын туһунан сырдатарыгар, 36 тыһ. куб кумаҕы кутан олох оҥорбуттарын, 276 суол билиитэтэ ууруллубутун эттэ. Технологическай былаһаакка уотунан толору хааччылынна. Онон тутуу былаһаакката үлэни ыытарга бэлэм. Тутуу тэтимирдэҕинэ, бу былаһаакка үс төгүл кэриҥэ улаатыаҕа.

Бу күн “Техэлектроснаб” ХЭТ бэдэрээтчит тэрилтэ Майа-Табаҕа I –II сыап 110 кВ көһөрүллэр уот линиятын 2 №-дээх  түөрт уон миэтэрэлээх тимир тирэҕин туруорда.

Аан дойдуга ханна да суох киэҥ хабааннаах инфраструктура бырайыага Саха сирин Бырабыыталыстыбатын уонна “Ростех” госкорпорация, “ВИС” бөлөх икки ардыларыгар түһэрсиллибит концессионнай сөбүлэһиинэн олоххо киирэр. Бүгүн бырайыак концессионер уонна “Сбербаан” өттүттэн бүддьүөтү таһынан үбүлээһининэн толору хааччылынна. Бырайыак бэлэмнэнии түһүмэҕэр бырайыактыыр документацияны Судаарыстыбаннай эспэртиисэ үтүө түмүгүн ылан, 2021 сылга үлэни саҕалыыр кыахтаммыттара.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Мария Васильева хаартыскаҕа түһэриитэ (СИА)

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0