«Өлүөнэ өрүһү туоруур муоста тутуллуутун бастакы түһүмэҕин кэтэх инвестор үбүлүүр буолан, 2020 сыллааҕы федеральнай уонна эригийиэн бүддьүөттэригэр уларыйыы киириэ суоҕа”, — диэн СӨ Ил Дархана Айсен Николаев эттэ. Капитальнай грант үбэ-харчыта муоста тутуллан бүтүүтүн саҕана, 2022-2024 сылларга, туһаныллара былааннанар.
edersaas.ru
Санатан эттэххэ, Өлүөнэ өрүһү туоруур муоста бырайыага Уһук Илин сайдыытын национальнай бырагырааматыгар киирэн, дойду бэрэсидьиэнэ Владимир Путин сөбүлэҥин ылан, РФ бырабыыталыстыбатыгар үөрэтиллиигэ киирбитэ. Муоста өрөспүүбүлүкэ уунан, салгынынан уонна тимир суолларын холбуурун таһынан, “Бүлүү”, “Лена”, “Халыма” федеральнай суоллары ситимниир сүҥкэн оруоллаах. Муоста тутулуннаҕына, өрөспүүбүлүкэҕэ таһаҕас кэлиитэ сылга 6 мөлүйүөн туоннаҕа тиийэн, 3 төгүл үрдүүрэ күүтүллэр.
Ньургуйаана Иванова, edersaas.ru
Хаартыска: ЯСИА саайтыттан
+1
+1
+1
+1
+1
+1
+1