Бу күннэргэ Өлүөнэ уонна Халыма өрүстэргэ харыы үөскүөн сөптөөх сирдэринэн мууһу кэбирэтии үлэлэрэ ыытыллаллар.
«Ленарегионводхоз» ФГБВУ филиала «Центррегионводхоз» Өлүөнэ, Халыма өрүстэргэ харыы тахсыан сөптөөх 46 учаастагынан мууһу кэбирэтии үлэлэрин ыытар. Билиҥҥитэ үлэ 70-ча бырыһыана бүтэн турар. Онон сүрүн үлэ Дьокуускай, Нам аннынан ыытыллар.
Муус халыҥа былырыыҥҥыттан арыый да халыҥ соҕус диэн «Ленарегионводхоз» ФГБВУ филиала «Центррегионводхоз» суһал дьуһуурунайдарын отделын начаалынньыга Николай Портнягин иһитиннэрдэ. «Киин оройуоннарга хаар нуорматтан кыра. Арааһа ол муус халыҥар дьайда быһыылаах. Онно холоотоххо хоту улуустарга, чуолаан Халыма улуустарыгар хаар нуорматтан кыра», — диэн эбэн эттэ.
Быйыл Өлүөнэ мууһа Саха сиригэр ыам ыйын 3-5 күннэригэр эстэрэ сабаҕаланар. Ленскэйгэ ыам ыйын 9, Дьокуускайга ыам ыйын ортотугар эстэрэ күүтүллэр. Халыма өрүс ыам ыйын 19-20 күннэригэр устуоҕа.
edersaas.ru
+1
+1
+1
+1
+1
+1
+1