Өлүөнэ эбэ устун айаннаан иһэн

Ааптар: 
Бөлөххө киир:

2013 сылтан Саха сиригэр Өлүөнэ эбэ күнүн бэлиэтиибит. Бу күнү уунан устар аал үлэһиттэрэ ордук үөрэ-көтө бэлиэтииллэр.

Өлүөнэн эбэнэн устар поруомнарга айанньыт дьон үссэнэн ааһар буфет баар буолбут эбит. Бу күннэргэ  Томпоҕо командировкаҕа баран иһэн, бу сонун көстүүнү көрөн үөрдүм да, соһуйдум да. Александра Сидорова сайыҥҥы кэмҥэ поруомҥа буфет үлэһитинэн үлэлээбитэ иккис сыла эбит. Кини үлэтин туһунан бу курдук кэпсээтэ:

Поруомнарга буфет аһыллыбыта үһүс сыла. Мин манна сайыҥҥы кэмҥэ сарсыарда эрдэттэн киэһэ хойукка диэри үрдүттэн олорон үлэлиибин. Аспытын хантан да ылбаппыт,   пуобар манна поруомҥа бэйэтигэр астыыр. Атыыга таһынан, кини хамаанданы барытын миэстэтигэр аһатар. Икки хапытаан сэттэ-аҕыс киһини салайан үлэлэтэллэр. Үлэлииргэ усулуобуйа барыта баар. Ыйдааҕы хамнаһым 50 тыһыынча солкуобай. Сэтинньи ыйга үлэбитин түмүктүөхтээхпит. 

Биһиги Александралыын бэрт ыксалынан кэпсэттибит. Оннук уочарат элбэх. Александра Сидорова дьону кытта кэпсэтэрэ элэккэйэ бөҕө. Буолумуна,  Өлүөнэ эбэ устун сарсыардаттан киэһээҥҥэ диэри устар киһи үгүс киһини кытта алтыһан, билсэн ааһар буоллаҕа.

Биһиги айанныыр кэммитигэр, төһө да үлэ күнэ буоллар, киэһэлик поруом иһэ тобус-толору массыына этэ. Онон буфекка аһыан баҕалаах киһи элбэх.

Мин кэннибэр турбут уолаттар сылаас бэрэски уонна итии чэй ыллылар. Кинилэри кытта кэпсэтэн билсибитим, Аммаҕа дуогабарынан дьиэ тута баран иһэр Ньурба уолаттара эбит.

Павел Саввинов бэлиэтииринэн, астара олус минньигэс.  «Дьиэ бэрэскитин курдук. Биһиги аара суолга үссэниэхпит диэн эбии ыллыбыт», — диэн кэпсиир сэһэргэһээччим.

Александра Сидорова, түгэн көһүннэҕинэ, «Эдэр саас» саайт сонуннарын сөбүлээн ааҕар эбит. «Онон сойбот сонуннаах саайпар тахсар киһи, өйдүү-саныы сылдьар курдук, бу рейс бастакы атыылаһааччыларын кытта хаартыскаҕа түһүүм. Бүгүн күнү быһа элбэх рейс буолла, үгүс киһини аһаттым», —диэн бэрт элбэх бэрэскини хаһааммыт Ньурба уолаттарын кытта хаартыскаҕа түстэ.

Ити курдук, сайыҥҥы күнү баттаһа үлэлиир поруомнар пассажирдары уонна массыыналары, ыарахан уйуктаах бааржалар — араас курууһу  тиэнэн, Өлүөнэ эбэ устун алтынньыга диэри төттөрү-таары сыыйылыннара  устуохтара турдаҕа.

Өлүөнэ эбэ күнүнэн, доҕоттор!

Елена ПОТОЦКАЯ, «Саха сирэ» хаһыат.

Салгыы видео-устууну көрүҥ. 

Ааптар хаартыскаҕа түһэриитэ уонна видеоҕа устуута.

+1
0
+1
0
+1
0
+1
0
+1
0
+1
0
+1
0