Коронавирус дьаҥын бохсор үлэлэр хоту улуустарга эмиэ тиһиктээхтик тэриллэллэр.
Өлөөн улууһугар күн бүгүн уопсайа 85 волонтер үлэлии сылдьар. Өлөөн нэһилиэгэр — 27, Кирбэй нэһилиэгэр — 15, Дьэлиҥдэҕэ — 30, Солоҕооҥҥо 13 ыччат аҕам саастаахтарыгар көмөлөһөллөр диэн улуус дьаһалтатын саайтыгар суруйаллар. Бэйэлэрин баҕа өртүлэринэн, үтүө санааларынан волонтердуу кэлбит ыччаттар, коронавирус дьаҥыттан бар дьоннорун харыстаан, аһы-үөлү, эми-тому, күннэтэ туттуллар малы-салы уонна сайаапканан киирэр үлэҕи уталыппакка аадырыстарынан тиэрдэллэрэ, муустарын ылан биэрэллэрэ, тэлгэһэттэн хаары ыраастыыллара, хомуйан өрө тардаллара олохтоохтору улаханнык үөрдүбүт. Ыстаапка махтанан эрийээччи элбээбит.
Хаартыска: Өлөөн улууһун дьаһалтатын саайтыттан
+1
+1
+1
+1
+1
+1
+1