Өлөөнү сылааһынан хааччыйыыга оттугу тиэрдии улахан суолталаах. Хайдах дьаһаммыттарын манна ааҕыҥ.
“СӨ ОДьКХ” ГУП Өлөөннөөҕү филиалын хочуолунайдара бу сыллааҕы оттук сезонун түмүктүүргэ уонна 2022 сыл олунньу ыйыгар тиийэр оттугунан хааччыллыахтара.
Оройуоҥҥа оттугу тиэрдии уопсай былаана — 6900 туонна ньиэп уонна 1400 туонна гаас конденсата. Билиҥҥи туругунан, Иирэлээхтээҕи баайдаах сиртэн хостоммут 2618 туонна ньиэби уонна “Алроса-Газ” аахсыйалаах уопсастыбаттан 242 туонна гаас конденсатын аҕалан сүөкээтилэр.
Филиал дириэктэрэ Константин Сивцев этэринэн, ньиэптээх массыына Мииринэй-Өлөөн-Харыйалаах туһаайыытынан айанныыр, оттон гаас конденсаттаах уматык Дьэлиҥдэ сэлиэнньэтин учаастагар ыскылаакка тиэрдиллиэҕэ.
“СӨ ОДьКХ” ГУП пресс-сулууспатын матырыйаалынан
Бэлэмнээтэ Женни Стрюкова
Хаартыска: тустаах саайтан