Алтынньы 1 күнүгэр Саха Өрөспүүбүлүкэтин Судаарыстыбаннай тутууга уонна дьиэни-уоту кэтээн көрүүгэ управлениета Өлөөн оройуонун Өлөөн сэлиэнньэтигэр “Сахаэнерго” АУо туппут 4700 кВт кыамталаах саҥа автоматизированнай дизельнэй уот ыстаансыйатын тэхиньиичэскэй регламеннара уонна бырайыактыыр докумуоннара ирдэбилгэ сөп түбэһэллэрин туһунан түмүгү биэрдэ.
Уот саҥа ыстаансыйата производственнай куорпустаах, дизельнэй оттугу харайар ыскылааттаах, модульнай хочуолунай, инженернэй тиһиктээх. Массыына саалатыгар аныгы 800 кВт кыамталаах сэттэ дизель-генератор, утилизатордар эҥин туруоруллубуттар.
“Бүгүн уот ыстаансыйата үлэлииргэ бэлэмин энергетиктар быһаарыахтара”, – диэтэ Саха Өрөспүүбүлүкэтин Судаарыстыбаннай тутууга уонна дьиэни-уоту кэтээн көрүүгэ управлениетын салайааччыта Павел Аргунов.
Саҥа автоматизированнай дизельнэй уот ыстаансыйата Өлөөн сэлиэнньэтин эрэ буолбакка, Харыйалааҕы эмиэ хааччыйыаҕа диэн тустаах управление иһитиннэрдэ.
Сахагов саайтан Женни Стрюкова бэлэмнээтэ.
Хаартыска: тустаах саайтан
+1
+1
+1
+1
+1
+1
+1