«Мой бизнес» өҥөнү оҥорор киин үүммүт сылга арктическай улуустарга бастакытынан — Өлөөҥҥө аһыллыаҕа. Бу туһунан туһааннаах киин генеральнай дириэктэрэ Зоя Седалищева иһитиннэрдэ.
«2021 сылга «Малое и среднее предпринимательство и поддержка индивидуальной предпринимательской инициативы» национальнай бырайыак иитинэн «Мой бизнес» кииннэрэ Ленскэйгэ, Өлөөҥҥө уонна Чурапчыга аһыллаллара күүтүллэр», — диэн Зоя Седалищева кэпсээтэ.
Билиҥҥи туругунан «Мой бизнес» кииннэрэ 15 улууска уонна Дьокуускай куоракка үлэлииллэр. Былырыын биэс киин аһыллыбыта.
Туһааннаах кииннэргэ урбаанньыттар судаарыстыбаннай уонна муниципальнай 110 өҥөнөн туһаныахтарын, сүбэ-ама ылыахтарын сөп. Ааспыт сылга араас өҥөнөн 2,4 тыһыынча урбаанньыт туһаммыта.
edersaas.ru