Табаны иитэр хаһаайыстыбалар хараалы сылга иккитэ: күһүн уонна саас тэрийэн ыыталлар.
Хараал кэмигэр кинилэр ыстаадалар табаларын мунньан ааҕаллар, туруктарын көрөллөр-истэллэр, аналларынан наардыыллар итиэннэ эмтиир-сэрэтэр дьаһаллары ыыталлар. Өлөөн улууһун хаһаайыстыбалара быйыл күһүҥҥү хараалы атырдьах ыйын 23 күнүттэн саҕалыырга быһаарыннылар.
Онон бу күннэргэ «Дьилиндэ» МУТ дириэктэрэ Егор Иванов, «Өлөөн» МУТ сүрүн зоотехнига Марина Николаева, бэтэринээрийэ улуустааҕы салаатын сэбиэдиссэйэ Анжелика Николаева, ветеринарнай быраас Виталий Дмитриев мустан мунньахтаатылар.
Хараалы хайдах тэрийэри, эмтиир-сэрэтэр үлэҕэ ханнык исписэлиистэри сыһыарары быһаарыстылар, ыстаадаларга бөртөлүөт көтөр кыраапыгын чопчулаатылар диэн улуустааҕы пресс-сулууспа иһитиннэрэр.
Раиса Сибирякова.