Бэтэринээринэй управление Мииринэйдээҕи чинчийэр лабораторията уонна Анаабыр, Өлөөн улуустарыгар баар филиалларын кытта табалары эмтээһин күһүҥҥү былааннаммыт үлэлэрин «Өлөөннөөҕү» МУП уонна “Дьэлиҥдэтээҕи” МУП дьиэтээҕи табаларыгар саҕалаатылар.
Бу тэрээһиҥҥэ бэтэринээрдэр тэрээһиннэрин бөлөхтөрүн сэбиэдэссэйэ Дария Кириллова, бэтэринээр-быраас Виталий Дмитриев, Харыйалаах бэтэринээринэй сулууспатын сэбиэдиссэйэ Анатолий Егоров уонна СӨ бэтэринэриийэтин Департаменын Өлөөннөөҕү национальнай оройуон иниспиэктэрэ Мария Яковлева кытыннылар.
Бастаан таба төбөтүнэн ахсаанын аахтылар. Тыа хаһаайыстыбатын управлениетын исписэлиистэрэ Өлөөннөөҕү МУП табаларын чииптээтилэр. Бруцеллез утары эдэр табаларга вакцина туруордулар. Эдемагеноз бааһын утары табалар тириилэрин эмтээтилэр. Ону таһынан бруцеллеһи серологическэй чинчийиигэ табалартан хаан анаалыһа ыллылар. Былааннаммыт үлэлэрин ситистилэр.
Табаны иитии – тыа хаһаайыстыбатыгар сүрүн миэстэни ылар уонна Арассыыйа федерациятын Арктическэй зонатын социально-экономическэй сайдыытыгар биир сүдү кылааты киллэрэр салаа буолар.