Үлүйүүттэн сэрэхтээх буолуҥ

Бөлөххө киир:
Виктория Сергеева хаартыската, СИА.

Саха сиригэр өр кэмҥэ тымныы күннэр-дьыллар турдулар. Үлүйүүттэн сэрэхтээх буолуҥ, бу сүбэлэри тутуһуҥ.

Үлүйүү, үлүтүү бастакы сибикилэринэн кыайан саҥарбат буолуу, эт-сиин дьырылыыра, уонна тирии кытаран тахсыыта буолаллар. Үксүгэр тоҥон баран 20-30 мүнүүтэ сылыйдахха, үлүйүүттэн быыһаныахха сөп.

Холобур, тымныыттан эмсэҕэлээбит тарбахтаргытын сылаас ууга (итии буолбатах) уган ылыҥ. Сылаас уу чугаһынан суох буоллаҕына, бэйэҥ этиҥ сылааһа абырыаҕа (тоҥмут тарбахтаргыт хонноххут анныгар түргэнник сылыйыахтара).

Оттон арыый ыарахан түгэннэргэ, холобур, үлүппүт тирииҥ маҥхайан, кытаатан, хабыллан бардаҕына, төһө кыалларынан түргэнник мэдиссиинискэй көмөнү оҥорторуохха наада.
Үлүппүт сиргитин хаарынан сотумаҥ уонна массаастаамаҥ, төттөрүтүн, балаһыанньаны уустугурдуон сөп.

Сылыйар туһугар уокка холбонор грелкалары, сылытар прибордары уонна уоту туһанымаҥ. Маннык ньымалар уокка сиэтии туругар тириэрдэллэр.

Үлүйүү наһаа тымнытыыны кытары дьүөрэлэһиитэ ордук кутталлаах. Маннык балаһыанньаҕа киһи этин температурата түһэр, тохтообокко салҕалыыр, сылайар, утуйуон баҕарар, өйө-санаата бутуллан ылар, чуолкайа суохтук саҥарар, сүһүөҕэ уйбат буолар. Маннык турукка киирбит киһини сылаас сиргэ киллэрэ охсон, сиигирбит уонна тымныы таҥаһын устуллар. Сылаас, минньигэс ууну иһэрдэр көмөлөөх. Испиирдээх утаҕы биэрэр көдьүүһэ суох.

+1
1
+1
0
+1
0
+1
0
+1
0
+1
0
+1
0