Өлүөхүмэ устудьуоннара дьиэлэригэр бардылар

Ааптар: 
Бөлөххө киир:

Ыраахтан (дистанционно) үөрэнэр буолан, бүгүн Өлүөхүмэттэн төрүттээх, улуус тас өттүгэр үөрэнэр устудьуоннар дьиэлэригэр бардылар.

edersaas.ru

Өлүөхүмэ улууһуттан төрүттээх устудьуоннары аҕалыы туһунан быһаарыы, улуус баһылыга Николай Николаевич Харбин көҕүлээһининэн суһал штаб мунньаҕын кэмигэр кулун тутар 23 күнүгэр быһаарыллыбыта, — диэн улуустааҕы үөрэх управлениетын начаалынньыга Андрей Солдатов иһитиннэрдэ, — биһиэхэ испииһэк оҥорон, оҕолору аҕалыыны сорудахтаабыттара. Кылгас кэм иһигэр тиэхиньикэ булан, ГИБДД-га тиэхиньиичэскэй көрүүнү аһаран, оптуобустары Дьокуускайга ыыппыппыт.

Бүгүн Өлүөхүмэ улууһуттан төрүттээх устудьуоннар Комсомольскай болуоссакка мустан, улуустааҕы үөрэх управлениетын иитиигэ уонна эбии үөрэхтээһиҥҥэ салаатын салайааччыта В.В.Торопова, Олоҥхо ыһыаҕын дириэксийэтин исписэлииһэ А.Г.Макаров, медик үөрэхтээх тэрийээччи-педагог Л.Д.Ермолаева, волонтер Афанасий Кугасов салайыыларынан оннуларын булан, 14 чаас 30 мүнүүтэҕэ оптуобустар арахтылар. Уопсайа, 88, ол иһигэр 9 өрөспүүбүлүкэ тас өттүгэр үөрэнэр устудьуон дьиэлээтэ. Кинилэр муус устар ортотугар диэри ыраахтан олорон (дистанционно) үөрэнэллэр.

Валерий МАЛЫШЕВ.

Хаартыска: А.В.Солдатов.

 

+1
0
+1
0
+1
0
+1
0
+1
0
+1
0
+1
0