Тыа хаһаайыстыбата

Өлүөхүмэ мобильнай биригээдэлэрэ 300 туоннаны оттоотулар

Атырдьах ыйын 31 күнүнээҕи туругунан, Өлүөхүмэ улууһугар 9438 т от оттонно, ити кыстыыр от 56 %-на.

 

Улуус баһылыга Николай Харбин дьаһалынан, атырдьах ыйын 20 күнүттэн көҥүл хотуур биллэриллэн, хаһаайыстыбалар ханна сир баарынан оттуу сылдьаллар. Сэттэ нэһилиэккэ мобильнай биригээдэлэр тэриллэннэр, ыраах учаастактарынан оттууллар. Кинилэр холбоон 300 туонна кэбиһиилэннилэр. Тиийбэт оту Амуртан, Үөһээ Бүлүү, Ленскэй улуустарыттан атыылаһар туһунан кэпсэтии барар диэн тыа хаһаайыстыбатын управлениетын начальнига Федор Чердонов этэр.

Өлүөхүмэттэн Валерий Малышев, «Саха сирэ», edersaas.ru

0
0