Үүтү астыыр «Өлүөхүмэ кыладабыайа» ХЭУо пандемия кэмигэр үлэтин туһунан тэрилтэ технолога Матвей Фокин ulus.media суруналыыһын кытта кэпсэттэ.
edersaas.ru
– Биһиги тэрилтэбит пандемия саҕаланыаҕыттан тохтоло суох үлэлиир. Сайыҥҥы кэмҥэ биһиэхэ сууккаҕа 14 туонна үүт киирэр этэ. Билигин арыый аччаата — күҥҥэ 3,5 туонна кэриҥэ киирэр, өлгөм үүт кэмэ бүтэн эрэр. Бу сыл 9 ыйыгар нэһилиэктэргэ баар сыахтары ааҕан туран, арыыны — 61, сыыры – 48, пастеризованнай үүтү — 306, чөчөгөйү — 29, сүөгэйи – 36, йогурту – 37,5, кефири – 20, иэдьэгэйи – 22, үүт утахтары – 8 тоннаны оҥорон таһаардыбыт. Сайыҥҥы кэмҥэ биһиэхэ сууккаҕа 14 тонна үүт киирэр этэ. Билигин – 3,5 тонна, өлгөм үүт сезона бүтэн эрэр. Быйылгы сыл 9 ыйыгар нэһилиэктэргэ баар сыахтары ааҕан туран, арыыны — 61, сыыры – 48, пастеризованнай үүтү — 306, чөчөгөйү — 29, сүөгэйи – 36, йогурту – 37,5, кефири – 20, иэдьэгэйи – 22, үүт утахтары – 8 тоннаны оҥорон таһаардыбыт.
Кини этэринэн быйыл 9 ый иһигэр ааспыт сыллааҕар 740 туоннанан элбэх үүтү туппуттар. Онон бородууксуйа бары көрүҥнэрин оҥоруутун лаппа улаатыннарбыттар. Арай быырпах уонна “снежок” курдук астары оҥорууну аччаппытар — оҕо уһуйааннара сабыллан, итинник бородууксуйа батарыыта ыараабыт.
Оҥорор астара үксэ улуус иһинэн атыыланар, тэрилтэ үс маҕаһыыныттан олохтоох нэһилиэнньэ аһы сытыарбакка атыылаһар. Улуус таһыгар аатырбыт “Олекминскай” сыыр атыыланар. Холобур, быйыл Дьокуускайга 13 туонна сыыр барбыт. Матвей Фокин этэринэн, бу бородууксуйаны батарыы ыараабыт — пандемияттан сылтаан Москва, Дьокуускай дьаарбаҥкаларыгар аһы атыылыыр ньыма уустугурбут. Дьиҥэр тэрилтэ өссө элбэх сыыры оҥорор кыахтаммыт — 2020 сыл муус устарыгар саҥа сыыр оҥорорго аналлаах 2 туонна иэннээх голландскай ванна атыылаһыллыбыт, сыыр баттыыр тэрил кэлбит. Бу тэриллэр тэрилтэ сайдыытыгар улахан туһаны аҕалыахтааҕар тэрилтэ технолога саарбахтаабат.
Валерий Малышев ulus.media саайтка таһаарбыт матырыйаалыттан. Хаартыска ulus.media
«Саха сирэ» хаһыат, edersaas.ru