Өлүөхүмэ куоратын аэропордун вокзалын иннигэр 2022 сылга «Улуу Кыайыыны уһансыбыт көлүөнэҕэ албан аат» искибиэрэ аһыллыаҕа.
edersaas.ru
Бу тутуу АлСибы туппут дьоҥҥо ананар. Тутуу бастакы чааһа — «Уолчаан баҕа санаата» диэн скульптура. Өлүөхүмэ куоратын олохтооҕо 14 саастаах Вадим Голомарев мас кэрдээччилэри үлэлэригэр тиэрдэр уонна аҕалар эбит. Обургу саастаах оҕо элбэх оҕолоох ыал улахан уола. Соҕотох ийэлэрэ сэрии сылларыгар Өлүөхүмэтээҕи леспромхозка үлэлээбит. Вадим ийэтигэр көмөлөһөн, эбии хамнас аахсаары, Кыайыыны чугаһатар инниттэн, улахан дьону кытта бииргэ сылдьан үлэлээбит. Олохтоохтор көҕүлээһиннэрин бырагырааматын чэрчитинэн сэрии сылларын оҕолоругар ананар эбийиэги талааннаах скульптор Николай Чоччасов оҥорбут.
Бу туһунан Өлүөхүмэ куорат дьаһалтатын инстаграмыгар кэпсэнэр.
Елена ПОТОЦКАЯ, «Саха сирэ» хаһыат, edersaas.ru
Хаартыска — Өлүөхүмэ куорат дьаһалтатын инстаграмыттан.