Өлүөхүмэ Кээччитэ төрүттэммитэ 185 сылын бэлиэтиэҕэ

Ааптар: 
Бөлөххө киир:

Быйыл Өлүөхүмэ улууһун Кээччи нэһилиэгин олохтоохторо төрөөбүт түөлбэлэрэ төрүттэммитэ 185 сылын бэлиэтииллэр.

Бу суолталаах бэлиэ сылынан сибээстээн, олохтоох дьаһалта «185 саһарбыт хаартыска» диэн нэһилиэк араас сылларга сайдыытыгар сыһыаннаах хаартыскалары хомуйан, бэйэтин инстаграмыгар таһааран эрэр.

Хаартыскалары «Сайдам» култуура киинэ уонна олохтоох бибилэтиэкэ эппиэттээх үлэһиттэрэ хомуйаллар. Бастакы хаартыска номнуо киирдэ — «Долоон» сайылык ыанньыксыттара  оччотооҕу холхуос дуу, сопхуос дуу саҕанааҕы хаартыскалара киһи болҕомтотун тардаллар, урукку көхтөөх кэми санаталлар.

Маны таһынан, олохтоох дьаһалта быйылгы үбүлүөйдээх сылга нэһилиэк кыраныыссатын саҥардар, Кээччи туһунан кинигэ иккис чааһын таһаарарга, «Кыһыл быраан анныгар» хоһоонньуттар хомуурунньуктарын, «Кээччи топонинимикатын номоҕо» кинигэни бэлэмнииргэ,

мусуой дьиэтин тутуутун түмүктээн аһарга, 185 үтүө дьыала хамсааһыны тэрийэргэ былаанныыр.

Онон Кээччи нэһилиэгин инстаграмыгар киирэн бэрт үгүс сонуну булан ааҕыахха сөп.

Елена ПОТОЦКАЯ, “Саха сирэ” хаһыат, edersaas.ru

Хаартыска — Кээччи нэһилиэгин дьаһалтатын инстаграмыттан.

 

 

+1
0
+1
0
+1
0
+1
0
+1
0
+1
0
+1
0