Өлүөхүмэ улууһун киин балыыһатын корнавирус дьаҥа бэлиэтэммит икки эмчитин туруктара үчүгэй, кинилэр хантаактаспыт дьоннорун көрдүүллэр.
edersaas.ru
Бу туһунан киэһээҥҥи брифиҥҥэ СӨ Бырабыыталыстыбатын вице-премьерэ Ольга Балабкина иһитиннэрдэ.
Өлүөхүмэҕэ аэропорт санпропуһугар үлэлии сылдьан, корновируска хаптарбыт эмчиттэр туруктара ама буолан, таһыттан эмтэнэллэр. Кинилэри кытта алтыспыт дьон сорохторун анаалыһыгар коронавирус бэлиэтэммэтэ. Сорох анаалыс сарсын биллиэҕэ.
Бу балаһыанньа уустуга диэн, сыстыганнаах дьаҥ кимтэн тарҕаммыта чопчу биллибэт. Онон хантаактаспыт дьону була охсор уустук.
— Улууска сэрэтэр үлэ күүһүрүөн наада. Нэһилиэктэр икки ардыларыгар сайыҥҥы кэм буолан, сырыы үгүс. Онон дьон дьиссипилиинэни хайаан да тутуһара наада , — диэн Ольга Балабкина бэлиэтээн эттэ.
Елена ПОТОЦКАЯ, «Саха сирэ» хаһыат, edersaas.ru
Хаартыска — Мария Васильева.
+1
+1
+1
+1
+1
+1
+1