Өлүөхүмэҕэ зондировщик-сөмөлүөт көмөтүнэн ойуур баһаардарын иэнэ кыччаата
Өлүөхүмэ улууһугар зондировщик-сөмөлүөт көмөтүнэн ойуур баһаардарын иэнэ кыччаабытын туһунан улуус баһылыга кэпсээтэ.
Улууска ойуур баһаардара хонтуруолланар зонаҕа баалларын туһунан Өлүөхүмэ баһылыга Николай Харбин өрөспүүбүлүкэтээҕи суһал ыстаапка иһитиннэрдэ.
— Сайын устата төрдүс кылаас кутталлаах ойуур баһаардара турдулар. Бүгүҥҥү туругунан хааччыллар зонаҕа (обслуживаемые зоны) баһаардар суохтар. Ойуур баһаардара хонтуруолланар зонаҕа — сылдьарга эрэйдээх, ыраах сирдэргэ бааллар. Онон нэһилиэнньэлээх пууннарга куттал суоһаабат. Авиационнай зона хонтуруолугар баар ойуур баһаардарын умулларыыга авиалесоохрана көмөтө ирдэниэхтээх. Билиҥҥитэ оннук баһаардар суохтар. «Циклон» Ан-26 сөмөлүөт үлэлээн, ардах түспүтэ,- диэн эбэн эттэ.
edersaas.ru