СӨ вице-премьерэ Дмитрий Садовников Аллараа Бэстээххэ оробуочай сырыытын кэмигэр, Өлүөнэтээҕи холбоһуктаах пароходствотын алын сүһүөх тэрилтэтэ — «Ленатурфлот» чэпчэтиилээх лизинг бырагырааматынан ылбыт икки «Валдай-45» суудунатын көрдөрдүлэр.
«Ленатурфлот» ХЭТ генеральнай дириэктэрэ Бактыбек Егоров иһитиннэрбитинэн, «Валдай-45» кылаастаах суудунаны оҥоруу ааспыт үйэ 90-с сылларыттан саҕаламмыт. Устар аал 45 миэстэлээх. Өлүөхүмэ аэропуордугар бу сайын саҥардан оҥоруу үлэтэ ыытылларынан сибээстээн, улуус киинигэр Дьокуускай куораттан икки «Восход» уонна икки саҥа «Валдай-45» суудуналар дьону таһыахтара.
Дмитрий Садовников Өлүөхүмэ олохтоохторо аэропуорка өрөмүөн үлэтэ ыытыллар кэмигэр айанныылларыгар ыарахаттары көрсүбэттэригэр анаан, «Валдай-45»суудуналар атыылаһыллыбыттарын бэлиэтээн эттэ.
СӨ Ил Дарханын уонна бырабыыталыстыбатын пресс-сулууспата
Хаартыска: https://sakha.gov.ru
+1
+1
+1
+1
+1
+1
+1