Өлүөхүмэҕэ 76 кыбартыыралаах дьиэ тутуллан үлэҕэ киирдэ. Күлүүһү хаарбах туруктаах дьиэттэн көһөөччүлэр туттулар. Бу туһунан Өлүөхүмэ улуустааҕы хаһыата иһитиннэрэр.
Саҥа дьиэҕэ киирии үөрүүлээх чааһыгар, аалай кыһыл лиэнтэни улуус баһылыга Николай Харбин, Өлүөхүмэ куоратын баһылыга Альбина Масина уонна саҥа дьиэ олохтооҕо Виталий Емельянов быспыттар.
«Нордстрой» ХЭУо генеральнай дириэктэрэ Хачатур Аракелян саҥа дьиэ бэлиэтин — күлүүһү, бу дьиэ саамай көхтөөх олохтооҕор Виталий Тимофеевичка туттарбыт. Хачатур Аракелян дьиэ тутуллубут сиригэр-уотугар маҕаһыын, аптека, парикмахерскай барыта баарын бэлиэтээбит. Маны сэргэ, оҕо саада тутуллара былааннанар диэн бэлиэтэнэр.
Саҥа дьиэ саҥа хаһаайыттарыгар күлүүстэр үөрүүлээх быһыыга-майгыга туттарыллыбыттар, эҕэрдэ тыллар этиллибиттэр.
+1
+1
+1
+1
+1
+1
+1