Аҕыйах хонуктааҕыта Тускул бу нэдиэлэҕэ эмискэ сылыйыан, бэл диэтэр, Сунтаарга ардыан туһунан эппитин итэҕэйбэтэхпит. Тус бэйэм, ама, хайаан кулун тутарга ардах түһүөй диэн улахаҥҥа уурбатаҕым. Онтум чахчы эбит.
Ол курдук, Бүлүүгэ, Ленскэйгэ, Өлүөхүмэҕэ термометр 0 кыраадыстан үөһээ буолуон, оннук күүскэ сылыйыан туһунан иһитиннэрбитэ.
Бүгүн сарсыарда батсааппын арыйбытым, Өлүөхүмэ улууһун Даппарай сэлиэнньэтигэр ардах түспүт үһү диэн сураҕынан туолбут. Итэҕэйбэккэ олохтоохтортон туоһуласпыппар бигэргэттилэр. “Бэҕэһээ, ол эбэтэр кулун тутар 21 күнүгэр киэһэ 21-22 чаас икки ардынан бэрт кылгастык ардаан ылла. Ити кэмҥэ таһырдьа кыраадыс +1 этэ”, — диэтилэр.
Онон кулун тутарга даҕаны ардахтыан сөп эбит. Тускул күн-дьыл туругун туһунан салгыы билгэлээһинин күүтэбит. Дьокуускайга «көмүс ардах» түспүт эбит буоллаҕына, Өлүөхүмэҕэ дьиҥнээх ардах түспүт.
Людмила ПОПОВА, “Саха сирэ” хаһыат, edersaas.ru