Маны аах Тырааныспар

Өлүөхүмэҕэ Ан-24 көттө

Бүгүн, алтынньы 23 күнүгэр, Дьокуускай-Өлүөхүмэ-Дьокуускай хайысханан Ан-24 пассажирдары таһар самолет көттө.
Бу туһунан Инстаграмҥа Бырабыыталыстыба бэрэссэдээтэлэ Андрей Тарасенко иһитиннэрдэ.  Балаҕан ыйын бүтүүтэ манна салгын аалын көтөр-түһэр балаһата, перрон оҥоһуллубуттара.
Урут эбийиэк үлэтэ үбүлээһинтэн уонна тутуу матырыйаалын аҕалыыга кыһалҕалар үөскээннэр тардыллыбыта. Атырдьах ыйын 10 күнүгэр Андрей Тарасенко Өлүөхүмэҕэ үлэтинэн сылдьан баран, боппуруос быһаарыллар кыахтааҕын иһитиннэрбитэ.
Өлүөхүмэ аэропурода 2024 сылга диэри магистральнай инфраструктураны кэҥэтии уонна саҥардан оҥоруу комплекснай былааныгар киирбитэ. Кэлим былаанынан 2021 сылга сэттэ аэропурока тэҥинэн үлэ ыытыллар.
0
0