Ил Дархан Айсен Николаев бүгүн Өлүөхүмэ оройуонугар үлэлии сылдьар. Хаарбах дьиэттэн дьону көһөрүү федеральнай бырагырааманан манна 2025 сылга диэри 34 тыһыынча кв м иэннээх дьиэ көһүөхтээх.
Айсен Сергеевич бэлиэтииринэн, Өлүөхүмэ куоратыгар хаарбах дьиэлэр оннуларыгар саҥа дьиэлэри тутуу былаанынан баран иһэр. 2025 сылга диэри Өлүөхүмэҕэ 34 тыһыынча кв м иэннээх дьиэттэн барыта 896 ыал көһүөхтээх. Билиҥҥи туругунан, 11 тыһыынча кв м иэннээх 299 кыбартыыра көһөрүллүбүт. Бырагыыраманан быйыл 7 тыһыынча кв м иэннээх дьиэ көһүөхтээх. Эһиил – 2, 2024 сылга – 13 тыһыынча кв м былааҥҥа турар.
– Өлүөхүмэҕэ бэдэрээттэһэн үлэлиир тэрилтэлэри кытары сөптөөх үлэ барбытын бэлиэтиир тоҕоостоох. Ону таһынан нэһилиэнньэлээх пууннары тупсаран оҥорууну бырайыактааһын түмүгэ көстөн эрэр. Олорор дьиэлэр былаан быһыытынан тутулла тураллар, сорохтор өссө урутаан иһэллэр. Салгыы да бу курдук үлэ таһаарыылаахтык барыаҕар эрэнэбин, – диэн бэлиэтиир Айсен Николаев.
Аграфена КУЗЬМИНА