Муус устар 2 күнүгэр түүн үс чааска 01 сулууспа пультугар Мелиоратордар уулуссаларыгар баар арочнай гарааска баһаар буолан эрэрин туһунан биллэрбиттэр. Баһаарынайдар түөрт мүнүүтэнэн тиийиилэригэр, 15х20 кв. миэтэрэ иэннээх тутуу кыһыл уотунан күүдэпчилэнэ турар эбит. Гараас бүтүннүү умайан, «Mitsubishi Canter» микрогрузовик былдьаммыт.
Баһаарынайдар күүстэринэн 11 тиэхиньикэ, переработкалыыр сыах, РЭС подстанцията бүтүн хаалбыттар. Түөрт киһи быыһаммыт, ким да эмсэҕэлээбэтэх.
Уоту умулларыыга түөрт баһаарынай массыына, 14 личнай састаап кыттыбыттар. Бу туһунан СӨ Баһаары утары сулууспата иһитиннэрдэ.
Өскөтүн буруо сыта кэллэҕинэ, туох эрэ умайа турарын көрдөххүтүнэ стационарнай дьиэ төлөпүөнүттэн “01”, суотабайтан “101” эрийэҕит.
Марианна ТЫРТЫКОВА, «Саха сирэ», edersaas.ru
+1
+1
+1
+1
+1
+1
+1