Саха сиригэр авиапортары саҥардан оҥоруу күүскэ барар.
Ол чэрчитинэн, бэҕэһээ Өлүөхүмэ куорат авиапордугар саҥардан оҥоруу үлэтэ этэҥҥэ түмүктэннэ. Мантан инньэ үһүс кылаастаах салгын суудуналара Өлүөхүмэҕэ көтөр кыахтаннылар. Онон алтынньы 23 күнүгэр Дьокуускайтан номоххо киирбит Ан-24 көтөр аал бастакы рейсин оҥоруоҕа. Тустаах авиапорка саҥардыы үлэтэ 2019 сылтан саҕаламмыта.
Санатар буоллахха, Абый улууһун Белай Гора авиапордугар сөмөлүөт түһэр-көтөр балаһатын саҥардан оҥоруу күүскэ барар. Саха сиригэр федеральнай анал бырагыраама чэрчитинэн, Дьокуускай, Өлүөхүмэ, Ньурба, Мииринэй, Черскэй, Эдьигээн, Белай Гора, Хаандыга, Үөһээ Бүлүү, Бүлүү, Депутатскай, Сангаар, Нерюнгри, Полярнай, Уус Ньара уонна Маҕан авиапортарыгар тустаах өрөмүөн ыытыллар.