Өлүөхүмэ аэропордугар салгын аалын көтөр-түһэр балаһатын тутуу үлэтэ түмүктэннэ.
Билигин эбийиэккэ перрону уонна дорожканы (РД) оҥоруу салҕанар. Салгыы ГСМ ыскылаатын уонна хонтуруоллуур-аһарар пууну тутууга кэлимсэ инженернэй чинчийии үлэтэ саҕаланыахтаах. Бу туһунан СӨ Бырабыыталыстыбатын бэрэссэдээтэлэ Андрей Тарасенко иһитиннэрдэ.
«Перрону ситэрэ сылдьаллар. Сэтинньи 1 күнүгэр сөмөлүөттэр сырыылара саҕаланыа», — диэн премьер бэлиэтээтэ.
Бу иннинэ эбийиэккэ үлэлэр үбүлээһин уонна тутуу матырыйаалларын аҕалыы кыһалҕаларыттан тардыллыбыттара. Андрей Тарасенко атырдьах ыйын 10 күнүгэр үлэтинэн Өлүөхүмэҕэ сырыытын түмүгүнэн, боппуруос быһаарыллыбытын уонна сөмөлүөтүнэн айан-сырыы лицензияны ылыы кэнниттэн саҥардыллыаҕын эттэ.
Өлүөхүмэ аэропуорда 2024 сылга диэри кэмҥэ саҥардан оҥоруу уонна магистральнай инфраструктураны кэҥэтии кэлимсэ былааныгар киирэр. 2021 сылга кэлимсэ былаанынан үлэ сэттэ аэропуорка тэҥинэн ыытыллар.
+1
+1
+1
+1
+1
+1
+1