Өлүөхүмэ улууһугар Олоҥхо дэкээдэтэ хаһааҥҥытааҕар даҕаны киэҥ далааһыннаахтык бэлиэтэнэр. Бу ылбычча буолбатах. Эһиил сайын Олоҥхо ыһыаҕа Өлүөхүмэ сиригэр-уотугар ыытыллыаҕа.
Өлүөхүмэ улууһугар бу күн араас тэрээһиннэр ыытылыннылар. Олохтоохтор ордук хото дьыктааҥҥа кытыннылар, сахалыы таҥыннылар. Биир нэһилиэк холобуруттан билиһиннэрдэххэ, Кыыллаах нэһилиэгин Даппарай сэлиэнньэтигэр Олоҥхо нэдиэлэтэ биллэриллибитэ. Ол курдук, “Олоҥхо дойдутун абылаҥа” диэн оскуола үөрэнээччилэригэр аналлаах тэрээһин, педагогическай үлэ бэтэрээннэрэ, уран тарбахтаах иистэнньэҥнэр Полина Торговкина, Клара Корнилова улахан кылаас, орто сүһүөх кыргыттарыгар тус-туспа арааран маастар-кылаастары биэрдилэр, олоҥхо дьыктаана, уо.д.а. тэрээһиннэр буола тураллар.
Итиэннэ Олоҥхо күнүгэр – сэтинньи 25 күнүгэр тэрилтэ үлэһиттэрэ, оскуола үөрэнээччилэрэ, уопсастыбаннай түмсүүлэр сахалыы таҥыннылар, бэйэлэрин видеонан-эҕэрдэлэрин ыыттылар.
Людмила ПОПОВА, “Саха сирэ” хаһыат, edersaas.ru
[vc_video link=»https://youtu.be/WX9owMVshL4″]