Бу күннэргэ «Архитекторы.РФ» диэн куораты сайыннарааччылар бырагыраамаларын үһүс түһүмэҕин 100 финалиһа билиннэ. Балар истэригэр биһиги биир дойдулаахпыт, LETO YAKUTIA киин арт-дириэктэрэ Кыыдаана Игнатьева киирдэ. Маныаха Арассыыйа 76 эрэгийиэниттэн 3 тыһыынча сайаапка киирбит.
«Аркитекторы.РФ» бырагыраама Арассыыйаҕа куораттары уонна эрэгийиэннэри уларытар эдэр архитектордар түсмүүлэрэ тэриллэригэр сыаллаах ыытыллар. «Билиҥҥи кэмҥэ архитектордары бэлэмнииргэ саамай сөптөөх бырагыраама буолар. Бу куонкуруска биһиги кииммит исписэлиистэрэ иккис сылын кытталлар, онон биһиги үлэбит федеральнай таһымҥа бэлиэтэнэр диэн этиэххэ сөп. Бу бырагырааманан үөрэнэн исписэлиистэрбит куорат эйгэтин сайыннарыыга үлэлииллэр», — диэн Ил Дархан дьаһалынан тэриллибит Архитектура уонна куораты тутуу управлениетын салайааччы Ирина Алексеева санаатын этэр.
«Мин бырагыраамаҕа кыттарга сайаапка ыытан, сүүмэрдэммит исписэлиистэр истэригэр киирбиппиттэн үөрдүм. Манна кыттыыны ылыы миэхэ уопут буолуоҕа», — диэн Кыыдаана Игнатьева этэр.
СӨ Куорат эйгэтин боппуруостарыгар компетенция киинин пресс-киинэ.