Аллайыахаҕа бэҕэһээ киэһэ кыталык сымыытын хомуйа кэллилэр. Ол курдук, Туруйалар сэдэх көрүҥнэрин Окатааҕы заповеднигын (Рязань) сотрудниктара, Айылҕа ресурсаларын экологияҕа Бүтүн Арассыыйатааҕы НЧИ сотрудниктара, РНА Экология уонна эволюция проблемаларын институтун сотрудниктара анал уорганнартан көҥүллээх кыталык сымыытын хомуйуохтара.
Тустаах питомник кыталыктар популяцияларын чөлүгэр түһэриинэн дьарыктанар эбит. Бу питомник 1979 сыллаахха тэриллибит. Билигин манна 30-40 сыл олорбут кыталыктар бааллар. Ол аата сааһырбыт кыталыктар диэххэ сөп. Ол иһин эдэримситээри сымыыт хомуйаллар. Кыталык Саха сиринээҕи популяциятыттан хомуйан Арҕаа Сибиир популяциятын чөлүгэр түһэрэр кыахтаныахтара.
Сымыыты хомуйуу үлэтэ кыталыкка аналлаах суол каартатыгар киирэ сылдьар.
«Кыталык 10 сымыытын хомуйарга көҥүллээхпит. Онон маннааҕы популяцияҕа хоромньу тахсыа суоҕа. Биир эрэ сымыыттаах буоллаҕына, ону ылбаппыт«, — диэтэ РНА Экология уонна эволюция проблемаларыгар институтун сотруднига Лена Ильященко төлөпүөнүнэн Чокуурдаахтан.
Учуонайдар икки күн устата үлэлиир былааннаахтар.
Бэлэмнээтэ Женни Стрюкова
Хаартыска: СИА