Кытайга коронавирус саҥа көрүҥүнэн ыалдьыбыт дьон ахсааныгар бүгүҥҥү туругунан 1731 киһи эбиллибит, 38 киһи өлбүт. РФ кыраныыссатын аһардар пууннарга санитарнай-харантыын хонтуруола күүһүрдэ. Билигин, Дьокуускай куорат авиапордугар икки төгүллээх термометрия оҥоһуллар буолла.
edersaas.ru
Кытай өрөспүүбүлүкэтин Гуанси-Чжуан автономнай уокуругун Лючжоу куоратыгар олорор биир дойдулаахпыт Марина Назарова олорор куоратыгар коронавирус туһунан маннык кэпсээтэ:
— Олох-дьаһах кэминэн бара турар. Тэрилтэ барыта үлэлиир. Нэһилиэнньэҕэ айманыы суох. Коронавирус туруоҕуттан куораппытыгар 6 киһи ыалдьыбыта. Олор бары үтүөрдүлэр. Уулуссаҕа мааскалаах сылдьабыт. Ону таһынан кытай омуга былыргыттан туһанар от эмин — женьшень силиһин итии ууга туруоран иһэбит. Уопсайынан, кытайдар тымныы ууну сайын да испэттэр. Эбэһээт сылаас эбэтэр итии ууну эрэ иһэллэр. Үгүс ыарыыны итии уунан эмтэнэллэр. Оннооҕор коронавирус күүскэ тарҕаммыт Хубэй провинциятын олохтоохторо холкулар. Онон куораппытыгар куттал суох.
Иванова Ньургуйаана, «Саха сирэ» хаһыат, edersaas.ru
Хаартыска интернет ситимиттэн