Коронавирус дьаҥын тарҕаппат, бохсор туһуттан, СӨ Тас сибээскэ уонна норуоттар дьыалаларыгар министиэристибэ тиһиктээх үлэни тэрийэр.
Муус устарга уонна ыам ыйыгар, өрөспүүбүлүкэҕэ КНР төһө көмө оҥоһуллубутун билиһиннэрдилэр. Ол курдук, Хэйлунцзян, Чжэцзян провинциятын Чжоушань куоратын Норуодунай Бырабыыталыстыбаларыттан, Хэйлунцзяннааҕы экономиканы уонна технологияны сайыннарыыга үлэлэһэр хампаанньаттан, Хабаровскай куоракка КНР Генеральнай консульствотыттан, ону сэргэ, Ньурба улууһугар аадырыстаан Цзямусы куорат Норуодунай Бырабыыталыстыбатыттан, Үөһээ Бүлүү улууһугар Тунцзян куорат Норуодунай Бырабыыталыстыбатыттан көмөлөр оҥоһулуннулар диэн бэлиэтииллэр.
СӨ Тас сибээскэ уонна норуоттар дьыалаларыгар министиэристибэ иһитиннэрбитинэн, барыта 125 000 тыһыынча биирдэ кэтиллэр мааска, 14 320 n95 кылаастаах респиратор, 200 дьаҥтан харыстыыр көстүүм, иһиттээх 1600 этиловай испиир, 28 800 дезинфикцияҕа туттуллар табылыакка кэлбит.
Министиэристибэ итинник иһитиннэриини оҥорон туран, көмөлөспүт, өйөбүл буолбут партнердарыгар улахан махталын биллэрэр.