Өймөкөөҥҥө диэри бэлэсипиэтинэн айаннаан иһэр Кытай туриһа Чардан (иһиллэрэ маннык — аапт.) бу киэһэ 19:00ч. диэки Хаандыгаҕа тиийдэ. Томпо Саһылыттан тохтообокко айаннаабыт. Атаҕын кыратык үлүппүт.
Иннокентий Протопопов, «Саха сирэ» хаһыат, edersaas.ru
«Манна Горно-геологическэй техникум уопсайыгар хонуоҕа. Сарсыарда 8:30 ч. салгыы айанныам диир. Атаҕын тириитэ хайдыбыт. Бырааска көрдөрдүбүт. Үлүппүт эбит, маас, биинтэ биэрдибит. Сүбэлээтибит, ханан туох тохтуур сир баарын ыйдыбыт. Уонна сарсын сарсыардаттан, Өймөкөөн батсаапка бөлөхтөрүнэн таксистарга анаан биллэрии сурук тарҕатыахпыт, суолга көрсөр түгэннэригэр көмө наада дуо диэн ыйыталларын курдук. Бэйэтэ өйүө астаах эбит, «махтал, туох да наадата суох» диир«, — диэн edersaas.ru сайтка Томпо улууhун дьаhалтатын Ыччакка отделын исписэлииhэ Айаал Винокуров кэпсээтэ.
Хаандыгаҕа туриһы Томпо улууһун дьаһалтатын үлэһиттэрэ көрүстүлэр.
Иннокентий Протопопов, «Саха сирэ» хаhыат, edersaas.ru
Хаартыскаҕа: Айаал Винокуров Чарданы кытта.