Чурапчы улууһугар Килэҥки сэлиэнньэтигэр оскуола-саад тутуутун түргэтэтэллэр.
Бу туһунан улуус баһылыга Андрей Ноговицын тутуу бэдэрээччитин «Восток-Капитал» ХЭУо кытары мунньахха кэпсэттэ. Нэһилиэккэ 90/25 миэстэлээх оскуола-саады тутуу быйыл кулун тутартан саҕаламмыта. Билигин дьиэ холлоҕоһун уонна истиэнэтин тутуу үлэлэрэ ыытыллаллар.
—Хоруона хамсыгыттан хааччахтыыр миэрэлэртэн уонна үлэһит илии тиийбэтиттэн арыый бытаарыы таҕыста. Ол гынан баран, үлэ биир да күн тохтообото, саҥа сылга, болдьоҕор бүтэриэхпит, — диэн «Восток Капитал» ХЭУо салалтата иһитиннэрбит.
Бэлиэтээн эттэххэ, тутуу «Тыа сирин территорияларын кэлимник сайыннарыы» бырагыраама чэрчитинэн ыытыллар.
+1
+1
+1
+1
+1
+1
+1