Кытаанах арыгыны винонан солбуйуохтара

Бөлөххө киир:

Арассыыйаҕа арыгыны атыылыыр ырыынактан омук  дойдулара сыыйа-баайа бараллар. Дойдуга  кытаанах арыгыны винонан солбуйуохтарын сөп.

Бу туһунан  РФ Бырамыысыланнаска уонна эргиэҥҥэ министиэристибэтин  ис эргиэни сайыннарыы департаменын  дириэктэрэ Никита Кузнецов эппитин РИА сонуннара бэчээттээтэ.

«Кытаанах арыгыны винонан солбуйуу барарын туһунан этиэххэ сөп”, — диэн кини “Арассыыйа ритейлын нэдиэлэтэ-2022” пуорум чэрчитинэн иһитиннэрдэ.

Департамент дириэктэрэ  ону таһынан 2021 сылга водканы атыылааһын, 2020 сылы кытта тэҥнээтэххэ, 1%  курдук намтаабытын холобурдаата.  «Онон, Арассыыйаҕа винону оҥорооччулар былааҕы илиилэригэр ылыахтара. Тоҕо диэтэххэ, билигин винону омук сириттэн аҕалыы аҕыйаата”, —диэтэ.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0