Тыа хаһаайыстыбатын министиэристибэтин чахчытынан, атырдьах ыйын 24 күнүнээҕи туругунан, 294 080 туонна от кэбиһиллиннэ.
Ити кыстыыр от 64 %-а. Маны сэргэ 6 865 туонна сиилэс итиэннэ 1 548 сенаж бэлэмнэннэ. Биирдиилээн улуустарынан ылан көрдөххө, былааннарын 70-тан тахса бырыһыанын толордулар: Бүлүү (84 %), Үөһээ Бүлүү (77 %), Кэбээйи (77 %), Амма (74 %), Мэҥэ Хаҥалас (73 %) уонна Эбээн Бытантай (82 %) улуустара. Уот кураан уонна ойуур баһаардарын тэбиитигэр хаалан иһэллэр: Горнай (59 %), Уус Алдан (47 %), Өймөкөөн (43 %), Томпо (25 %), Чурапчы (48 %).
Раиса Сибирякова, «Саха сирэ», edersaas.ru
+1
+1
+1
+1
+1
+1
+1