Уопсастыба

Кыстыкка бэлэмнэнии  — бырабыыталыстыба хонтуруолугар

Бэс ыйын 25 күнүгэр СӨ бырабыыталыстыбатын бэрэссэдээтэлин бастакы солбуйааччы Дмитрий Садовников кыстыкка бэлэмнэнии ыстаабын мунньаҕын ыытта.

СӨ ОДьКХ уонна энергетикэ миниистирэ бэлиэтээбитинэн, өрөспүүбүлүкэҕэ 1 165 хочуолунайы, 3 954,3 км ититии тиһигин, 1 430,5 км уу ситимин, 762,5 км канализация тиһигин, 29 544,1 км электролиинийэни, 144 дизельнэй электроыстаансыйаны бэлэмниир сорук турар.
Былааннаах оттугу уонна уматыгы тиэйии кээмэйэ — 514 тыһ. туонна. Бүгүҥҥү күҥҥэ 106,9 тыһ. туонна (20%)  сүөкэннэ.
«СӨ ОДьКХ» ГУП
генеральнай дириэктэрэ Виталий Чикачев бэлиэтээбитинэн, тэрилтэ быйылгы кыстыкка бэлэми өссө 2020 сыллаахха саҕалаабыта. Арктическай улуустарга производственнай-техническэй матырыйааллар саппаастара кыһыҥҥы суолунан тиэрдиллибиттэрэ. Бүгүҥҥү күҥҥэ 80 % ПТН таһылынна, таһаҕас 20%-на киин уонна өрүс нөҥүө улуустарга уунан тиэрдиллиэҕэ.

Елена ПОТОЦКАЯ, «Саха сирэ» хаһыат, edersaas.ru

0
0