Ньурба улууһун биир бөдөҥ хаһаайыстыбата «Ньурба Агро» МТС ААУо буолар.
Хаһаайыстыба сүөһүтүн үс учаастагынан кыстатан турар. Ол курдук, 155 ыанар ынах уонна 25 туҥуй бургунас “Бэс Атах” уонна “Крахмал” пиэрмэлэригэр, 185 ыччат сүөһү Хордоҕойго баар. Пиэрмэ үлэһиттэрэ сүөһүлэри күҥҥэ иккитэ аһаталлар, ынах ахсын уоннуу киилэ, субаннарга алталыы киилэ от тиксэрин, ону таһынан ыанар ынахтарга комбикуорум бэриллэрин кэпсииллэр.
Билигин кэмэ эрдэ да буоллар, 19 ынах төрөөбүт, онон пиэрмэ үрдүнэн күҥҥэ 200 киилэ үүт ыанар. Саҥа төрөөбүт ньирэйдэри ыаммытынан үүтүнэн, оттон бороохтуйбут ньирэйдэри искусственнай үүтүнэн аһаталлар. Бу күннэргэ улуустааҕы бэтиринээрийнэй сулууспа үлэһиттэрэ пиэрмэҕэ сылдьан, көрөн-истэн бараннар, сүөһүлэр туруктарын сүрүннээн ортонон сыаналаатылар, уонча ыччат сүөһү ырыганныан сөбүн бэлиэтээтилэр.
Раиса Сибирякова, “Саха сирэ” хаһыат, edersaas.ru.
Хаартыскаларга:
