Нэһилиэнньэ сүөһүтэ, сылгыта чэгиэн-чэбдик турарын, ырыганнаабатын туһугар сыралаһар бэтэринээрдэр эмтиир-сэрэтэр үлэлэри, үөрэтэр-сырдатар дьаһаллары былааннаахтык ыыталлар.
Саха сылгыта төһө даҕаны тулуурдаах, хаппырыыһа суох аатырдар, кинини тиһигин быспакка көрөр-истэр, хаардыыр, эбии аһатар олус наада. Оччотугар эрэ дьөһөгөй оҕолоро барахсаттар кыстыгы этэҥҥэ туораан, төрүөҕү биэрэллэр. Ньурба улууһун бэтиринээрдэрэ бу күннэргэ улахан сылгылар уонна убаһалар туруктарын билсиһэ сылдьаллар. Көрүү түмүгүнэн битэмииннээһин оҥоһуллуоҕа уонна туруктарынан көрөн араарыллан, ырыганнаары гыммыт биэлэр, убаһалар эбии аһылыкка киллэриллиэхтэрэ.
Раиса СИБИРЯКОВА, “Саха сирэ” хаһыат, edersaas.ru
Хаартыскаҕа: Күндээдэ бэтэринээрэ Е.Николаев биэ туругун көрөр-истэр, битэмиин укуолун биэрэр.