Үөһээ Бүлүү улууһун Кырыкый нэһилиэгиттэн төрүттээх куоракка олорор биир дойдулаахтарбыт Николаев В.Ф, Яковлев Г.В., Михайлов Е.П., Яковлева О.В, Егоров М.М., Филиппов Л.В дойдубут дьоно ыалдьыбатыннар диэн, бары сомоҕолоһон, харчынан кыттыһан, 2 тыһыынча устуука харыстанар мааска, 200 устуука антисептик ылан, олохтоох дьаһалтаҕа ыыттылар.
edersaas.ru, Лия Васильева
Кыра нэһилиэккэ хамсык ыарыы турдаҕына кутталлаах буолар диэн, нэһилиэккэ кэлэр дьон доруобуйаларын туһунан туоһу суруктаах кэлэллэрин олохтоох балыыһа үлэһиттэрэ хонтуруоллууллар. Этэҥҥэ биир да киһи ыалдьыбатар, бэрт буолуо этэ.
Бу оҥоһуллубут көмө коронавирус тарҕаныытын утары ыытыллар үлэҕэ улахан төһүү күүс буолуоҕа диэн эрэнэбит. Мааскалар уонна антисептиктар нэһилиэк олохтоохторугар уонна тэрилтэлэригэр түҥэтиллиэхтэрэ. Биир дойдулаахтарбытыгар дьаһалта аатыттан уонна нэһилиэнньэ аатыттан улахан махталбытын биллэрэбит!
⠀
Кырыкыйтан Лия Васильева
+1
+1
+1
+1
+1
+1
+1