Бүлүү улууһун Сыдыбыл нэһилиэгин олохтооҕо Дмитрий Веревкин «Агростартап» куонкурус граныгар тиксэн куруолук иитиитинэн дьарыктанарга санаммыт.
Кини бырайыагын ситиһиилээхтик көмүскээн 2,7 мөлүйүөн солкуобайга тиксибит. Бу харчытынан 50 устуука куруолук атыыласпыт.
— Мин 17 сыл устата баһаарынайынан үлэлээтим. Куруолугу иитии хаһаайыстыбаҕа табынастаах уонна барыстаах дии саныыбын. Тоҕо диэтэххэ биир төрөөһүнүгэр куруолук 10-14 оҕону төрөтүөн сөп. Инникитин куруолук тириитин атыылаан эргинэр саналаахпыт, — диэн Дмитрий Веревкин санаатын үллэһиннэ.
Кини куруолуктарыгар анал уйа оҥорон кыстыкка киирэргэ бэлэмнэнэр. Маны таһынан, Веревкиннар хааһы, куһу, ынах сүөһүнү уонна сылгыны иитэр эбиттэр. Нэһилиэккэ килиэп буһаран атыылыыллар. Хаһаайыстыбаларыгар икки үлэһиттээхтэр.
Ульяна Захарова, «Cаха сирэ» хаһыат, edersaas.ru
+1
+1
+1
+1
+1
+1
+1