Ньурба улууһун борокуратуурата интэринээт-дьиэҕэ олорор кырдьаҕас киһи быраабын көмүскээтэ.
Улуустааҕы борокуратуура киирбит сайабылыанньаҕа олоҕуран, социальнай хааччыйыы туһунан гражданскай сокуону тутуһуу хайдаҕын бэрэбиэркэлээтэ.
Ол сайабылыанньаҕа ыйылларынан, Ньурбатааҕы кырдьаҕастарга аналлаах улуустар икки ардыларынааҕы интэринээт-дьиэ салалтата онно олорор кырдьаҕас киһи завещание суруйарын харгыстаһар эбит.
Бэрэбиэркэ быһаарбытынан, бу тэрилтэ салалтата 80 саастаах кырдьаҕас икки хостоох кыбартыыратын аймаҕар анаары гыммытын, кини интэриэһин кэһэн туран, ол кыбартыыраҕа үлэһитин олордубут.
Борокуратуура бэрэбиэркэтин кэмигэр, ол эбэтэр, борокуратуура орооһон, бу бэйэтин көмүскэнэр кыаҕа суох кырдьаҕас киһи интэриэһин туруорсан, кыбартыыраны босхолообуттар.
Онтон интэринээт-дьиэ салайааччытыгар улуус борокуруора сэрэтии биэрбит.
Биһиги корр., «Саха сирэ» хаһыат, edersaas.ru
Хаартыска: интэриниэттэн.